沉默了约莫拾零分钟，当大家透顺咗条气，经纪陈突然向我问道：“老吴，明年（白虎骑虎背）到底系咩预兆呢？”，我笑道：“惊青咧！”，回道：“做我哋呢行点会不惊呢……唉！”，我呻了口气不禁摇摇头：“白虎骑虎背咪即系西方人着草囉！寅木旺东、东北方，鬼子佬肯定被亚洲人牵住个鼻走。庚金若骑卯木，则卯藏乙木暗合而财色兼收，弊在寅藏甲木必然同佢庚金死过……你不妨回顾下，大陆胡温和乌卒卒呢两个月边有停过外访？简直马不停蹄各有各忙，搞咁多嘢究竟为乜嗻，仲不系斗爆阴毒？我近排已好冷静咁闻个世界味道……”，“你本身就系（大人头上一朶花），嗅觉叻过人多多嘛！嘻嘻！”老而不用手指指向头角而取笑道，“去死喇！老而不……”我瞪咗佢一眼，继续经纪陈的说话：“你有冇发觉最近好多事情显得不寻常，特别、中欧之间贸易纠纷又再频密，恐怖活动同时此起彼落，摆明车马堵塞热钱流入境内漏洞……等等，到咗27号星期五嗰日，忽然爆出杜拜冇钱还债而出现金融危机。消息迟不爆早不爆，偏偏要待乌卒卒访华，再等小雪过后先至爆……。种种迹象显示咗东风已经全面压倒西风，鬼子佬骑上咗虎背之后想个箩友太平无恙断估几难矣，哈哈哈！”，“不怪得今匀乌卒卒访华，上头先安排佢去嘅青龙地上海以挫虎气……”经纪陈轻轻拍掌附和。

A君接着说：“上一个庚寅骑上咗虎背，而结果有得上冇得落，最终议和落幕。明年歴史重演，不知又衰边泛喇！”，老而不神态凝重答道：“咁睇落经济仲系未掂喎！信得过历史会重演……之不过今匀不系衰在东北（丑艮寅）方，而系比之前更大镬嘅（丑艮寅）八运。无他嘅，风吹鸡蛋売财散人安乐罢了！”，“出年坐响虎背上面嗰个睇怕都几牙烟……”我还未说完，D君已经好紧张地问：“点牙烟法？”，我笑笑口向佢扮了个鬼脸：“不系咩？庚金坐寅岁有歌仔唱（春天木旺砍崩刀，夏日火炎入洪炉，入秋金强打餐死，隆冬封铁冰混土），呢啲就叫做屎坑关刀冇叉用喇！ ”大家闻后七咀八舌地表示意见，虽然比起三八走埋一个墟好啲、但都不静得几多，讲讲下不禁行到嗰间乜叉大茶楼，于是乎病夫们鱼贯而行入去祭肚先，等阵再行过。